دوس بنزين

انا لية نازل

ربما تاخر تدونتي لتوضيح اسبابي لية هنزل بكرة الميدان ولكن ملحوقة يارب بس اقدر اوضح افكاري و ارتبها مع ان دي مش صفاتي

ترتيب افكاري:

ربما انا لا اتميز بميزة ترتيب الافكار و هي العيب الذي دئما ما يضيع علي فرصة القاء المحاضرات او الظهور في التلفزيون بس انا هقول الي في دماغي وخلاص

8 يوليو :

ميدان يستعيد رونقة و عيونة اللامعة المليئة بالتحدي رجالة الاشداء و نساءة الاشد قلوبه الرحيمة العطوفة و قلوبة القاسية الجريحة عقوله السابحة في بحر التفكير في غد انقي

تخيل بقي يا اخي انت وسط كله ازاي تفوت فرصة زي دي الي فوتها قبل كدا مش لازم تفوتها في مرحلتها التانية

مرحلة النضوج الثوري و اكتمال الحلم

العجلة و الطيارة

بعد 11 فبراير شهد المصريين مصر اخري بيضاء علي شعبها ... روح لو استغلت في هذا الوقت قد تدفع مصر الي العالم الاول ولكن ............... ثورتنا كانت راكبة طيارة والي سايق كان راكب عجلة

طير يا عام ... دوس بنزين ... احنا علي الدائري

براحة شوية ... العجلة مفسية ...في حادثة علي الطريق لازم نقف نشوف

نازل عشان ادوس بنزين

نازل عشان اطير

نازل لان لو مطرناش دلوقتي هيتكسر جنحنا

ساعتها هندخل القفص تاني

مفتاح القفص في وسط الميدان

ملحوظة اخير : احنا مصريين .... مفيش تخوين

صووووووووووووووووووت واطي بيقول عبووووووووووووود

هي الحياة كدا لية ببقي ليها لون تاني .....هو التلفزيون كدا لية بقي لية صوووت عاااااالي ...هو القط كدا لية بقي لية 3 ديوووووووووووووول

قالو في الاعلان بلادي بلادي ....و استرجل و اشرب بريل ....بوقي بيضحك كدا لية ياخفيف دا انت طلع خيخا و حياتك شكلك مش هتنام النهاردة

N.D.E حاسس بيها دلوقتي والي قرا القصة يعرف الدنيا عاملة اية دلوقتي الدستور اولا ولا الانتخابات اولا

الضوء الابيض الي في النفق الابيض ولا الاشارة حمرا

هو الريجيسير الي بيجيب الناس النخبة الساقعة علي القنوات دي عنوان مكتبة فين اصل عندي سيناريو جامد كله اشكن و ضرب و غاز مسيل

واااو الواحد عايز يضرب حد .,... انا عايز ابقي بلطجي .... حد يحدفني بمسيل للدموع

و بمناسبة الحال دا و الصووووت العالي و الصوت الواطي احب اقول رايي في بعض الناس

اولا واحد مش فاكر اسمة بس هو خنيق بيض يااعني و عايز اقولة في عينة يا بيضة صفراك ابيض هعهعهعهعهعهعهع

التاني الخرع الي الشايف ان الناس كلها غلط و عايز يتلب علي قفاه ..... انت لبة و حياة ابوك علي قفي الي قدامك اصل واد خرنج

سؤال بقي للناس الجامد الي عمرها مهتقري الهسس دا

هو لو الواحد غير راية عشر مرات في اليوم علي حسب الشخصية الي بيتعامل معاه في اللحظة دي هل هيكون منافق عنده انفصام في الشخصية ولا واد عبقري

لو الواحد عايز يغير الكارير بتاعه يعمل اية اخر يوم في الشغل انا شايف انه يدخل المكتب و بالي في رجلة علي دماغ الكل

و بحب عيشة الحرية

هو الواحد متجوزش لية لحد دلوقتي

نهانها نها نها انا طير في الهوا بعشق بالواما

ولو انا عايز البلد دي تنور في الضلمة و هنزل عشان تنور في الضلمة

ههههههههههههههههههههه عقبال معقلك ينور في الضلمة ياض

الي المدونة حد يدي الكلام دا شلوت عشان يروح المدونة

دا كوز المحبة اتخرم

و عبوووووووووووووووووووووووووووود الصوت العالي

Damn this word was my first word under weeeeeeeeed

Hahahahah lookl like I have just been stoned

يا ررب بس الحشيش يجي يقوللي احنا كمان بنهزر

من اليمن لحدود وهران

الثورة دى ثورة غضبى

وربنا بينصرنى عشان

عربى أنا والنبى عربى.

طلعوا السوايسة يتمشوا

ع الشاطئ التونسى الأخضر

هنصلى على شهداء ليبيا

الجمعة ف الجامع الأزهر

نادوا المغاربة على الأقصى

قام نور المدينة منوّر

والعدرا بكرة هتتجلى

ع القدس بعد ما تتحرر.

ضرب البروجى فى بنى غازى

اترصوا ف اللؤلؤة أحرار

والشمس طالعة من البصرة

قابلوها ف التحرير ثوار

الوحدة أيامها قريبة

دى دمشق راجعة من الغيبة

واهى غزة ماعدِتْش غريبة

وجيرانها بقوا على خط النار.

طلعوا السوايسة يتمشوا

ع الشاطئ التونسى الأخضر

هنصلى على شهداء ليبيا

الجمعة ف الجامع الأزهر

نادوا المغاربة على الأقصى

قام نور المدينة منوّر

والعدرا بكرة هتتجلى

ع القدس بعد ما تتحرر.

لكاتب الرائع عمر طاهر

اكشن مصري ...ام الاجنبي

انا كشاب اول مفتحت عيني علي البطولة المصرية من خلال بطلي الخارق و بطل معظم الشباب المصري ادهم صبري تقرا الرواية و تطلق رجليك للريح خلف العربية التي اختطفت فيها مني توفيق ملكة جمال الشباب المصري كان في الوقت دا هالة فؤاد بعيونها الساحرة - الله يرحمها - و تخترق قبضتك جدار الصوت لتكسر فك الخمستاشر نفر الي وقفيت و تنطلق ركلتك في معدة اولئك الاشرار - رجل الكرسي مع ورم خفيف في الاصبع - نشاءنا جميع علي اساطير ذلك البطل المغوار الي ان جاءت تلك اللحظة التي لخبطت كل ذلك

الموعد : يوم من ايام الاسبوع

المكان : شارع عبد العزيز و الموسكي

الشخصيات : بلطجية - ناس تانية مش عارف مين - مامور قسم الموسكي برتبة عقيد و اسمة ابراهيم بخيت

ابراهيم بخيت او العقيد ابراهيم كسر صورتين في اللحظة دي الاول صورة ظابط الشرطة الي لابس نظارة سودة و اخر حاجة بيهتم بيها هي الانسان العادي و الاحترام و الشجاعة من عجائب الدنيا السبع في حياتة

الصورة التانية صورة البطل الغوار مشقوق القوام طويل المنكبين عريض الكتفين

فوجدنا صورة شجاعة مرسومة صورة مهزوزة قدام عنينا اتعدلت فاجاة لنري ما قد يسمي قلب ميت قلب شجاع بطل اسطوري

جاء من الخطوط الخلفية لمعركة شارع عبد العزيز مخترقا صفوف المقاومة التي تدافع عن الشارع ضد البلطجية و حيدا كفارس ابيض علي حصانة وهنا الصورة الثانية رجل في منتصف الاربيعنات من عمرة مثله مثل معظم رجال الشرطة الحاليين - بكرش - و من يقترب منه يجد ان اكيد عنده كرشة نفس اخر مرة لعب رياضة كان من 10سنين

ممسكا بكلاشينكوف - الراعي الرسمي للسلاح المصري - مخترقا صفوف المقاومة و اذ بكل من يقف يتراجع خلفة يحتمي به و هم يجري بصدر مفتوح خلف البلطجية الذي بدءوا في الجري امامة كالخراف مقاتلا بكل قوة لا يابه بطلقات الرصاص المتناثرة حولة ليدحر كل من في الشارع في وقت قليل

ما جعلني اتكلم هو اني انقل صورة براقة للانسان المصري و شجاعة انسان مصري قبل ان يكون شرطة و انا هنا لا ادافع عن جهاز الشرطة بشكل عام لان هذا الجهاز لا يزال به العديد من الاخطاء المتراكمة التي لن تختفي بشكل سريع و القطاع يجتاج لاعادة هيكلة و تنظيم للاطاحة بالفساد منه و لكني انقل صورة تعيد لنا الامل في جهاز شرطي قوي و و صورة للمصريين عند اداء عملهم باخلاص

و الان مع الفيديو الذي يشهد تلك الاحداث

عن الوعي نتحدث

عايز اتكلم النهاردة عن الوعي اية هو الوعي انا هقول مفهومي و بعد كدا هحاول افهم المفهوم

نبتدي الوعي هو الادراك و الادراك هو الاحساس awareness بالانجليزي يا مرسي بمعني انت كانسان حاسس و مدرك بالابعاد الثلاثية من حولك زمان و مكان و طول و عرض و ارتفاع البيئة حولك تؤثر فيها و بين قوسين ( قادر ان تؤثر فيها ) لان قدرك علي التاثير ترتبط بمدي وعيك لها اما العكس تاثير البيئة فيك فدا لا يرتبط بوعيك و ادراكك بها لان بعض النظر لمدي تقبلك لهذا التاثير لا منا من تاثيره عليك

كلام كبير و دا مفهومي للوعي و الادراك ننقل دلوقتي مجموعة من التعريفات الخاصة بالوعي .

الوعي/ الإدراك وهو حالة دماغية ولا يوجد تعريف محدد وصارم للوعي … مازال جوهر الوعي غامض وهو محور بحث هذه الرسائل القصيرة.( دا في اتجاه مركز الوعي في دماغ الانسان )

و هناك تصنيف اخر للوعي انقله لكم :

الوعي العفوي التلقائي: وهو ذلك النوع من الوعي الذي يكون أساس قيامنا بنشاط معين، دون أن يتطلب منا مجهودا ذهنيا كبيرا، بحيث لا يمنعنا من مزاولة أنشطة ذهنية أخرى.
الوعي التأملي: وهو على عكس الأول يتطلب حضورا ذهنيا قويا، ويرتكز على قدرات عقلية عليا، كالذكاء، والإدراك، والذاكرة… ومن ثمة فإنه يمنعنا من أن نزاول أي نشاط آخر.
الوعي الحدسي: وهو الوعي المباشر والفجائي الذي يجعلنا ندرك أشياء، أو علاقات، أو معرفة، دون أن نكون قادرين على الإتيان بأي استدلال.
الوعي المعياري الأخلاقي: وهو الذي يجعلنا نصدر أحكام قيمة على الأشياء والسلوكات فنرفضها أو نقبلها، بناء على قناعات أخلاقية. وغالبا ما يرتبط هذا الوعي بمدى شعورنا بالمسؤولية تجاه أنفسنا والآخرين.
انطلاقا من هذا التصنيف الدلالي، يمكن أن نترجم الإشكالية الفلسفية لهذا الدرس من خلال الأسئلة التالية: كيف يمكن أن يحيط الوعي بالذات؟ كيف ينفتح الوعي عن العالم وعن الآخرين؟ ما هي حدود الوعي؟

ولمتابعة المقالة كاملة من هنـــــــــــــــــــــــــا

الوعي في الاسلام

الادراك بالاسلام و الوعي بالاسلام هنا اقصد المسلم الصحيح المسلم الذي يجد داخلة اركان الاسلام يقوم عليها مدركا تلك الاركان

و ضعا مفهوم الاسلام كديانة سماوية عقلانية امام عينية رابطا تعامله مع احداث و مواقف يومه بجوهر الفلسفة الاسلامية النقية

و لتوضيح الفلسفة الاسلامية من هنــــــــــــــــــــــــا

لية بقي كل الكلام دا

ترددت كلمة الوعي و زيادة الوعي (هنحطة علي بطاقة التموين يمكن يغلي ) بعد المواقف العديدة التي تمر بها مصر علي مدي الايام الماضية و الايام القادمة و ترددت الكلمة بان محدثي القلائل بدون وعي قليلي الوعي و هنا يقصدون ان تاثيرهم علي بيئتهم الخارجية تاثير ضار علي البيئة و علي نفسة فحبيت ان اوضح العملية الادراكية و اسباب عدم وجود ادراك لدي البعض

و عن راي في هذا فاي انه مدام ان الفرد قد اثر علي البيئة الخارجية فانه مدرك ولفترة زمنية معينة بذلك التاثير قد يختلف البعض ان بعض الافراد يكونون تحت تاثير معين لفترة معينة تبعد عنه الادراك و لكن العقل الباطن مدرك لذلك الحدث

و سبب الوعي في الاسلام ان بعض الايادي تشير الي الاسلاميين السلفيين بعدم و عيهم بالاسلام الصحيح و استخدام الاسلام الصحيح يرتبط بمدي قوة الخلفية الثقافية الاسلامية ( المسلم الفاهم مش الحافظ)

ادي مثال لسة حاصل غبا بقي بعيد عنكوا

مُتشددون يُفجرون مقام الشيخ زويد بشمال سيناء

و ارشح لكم قراءة كتاب اللاهوت العربي للاستاذ يوسف زيدان لفهم اكثر تعمقا

و مقالتة بين سُباعيتين.. مستقبل «السلفية» فى مصر

تجربة تويترية غير مشجعة

دي قصتي مع عملاق الشبكات الاجتماعية تويتر عملت حسابي من قيمة 3 سنين ولا حاجة و مستخدمتوش غير بعد الثورة بعد ما سمعت عن دوره المؤثر في الربط بين افكار الناس بطريقة سلسة و جميلة
ندخل في الموضوع بعد الملف الجي يمين
قولت ياعم اندمج مع العالم دا يمكن تلاقي افكار جديدة اصدقاء جدد اوبا اول مدخلت دخلت علي اسطورة التويتر الجامحة امام العواصف عمك وائل عباس وش لزق خبط رقع كدا دوس فلو يا عام و نشوف هنعمل اية اوووووووووووووف اية دا كله اية دا كله يجي الف توتية في اليوم اعمل ياعم فلو لدا و دا و البرادعي و موسي واكتب و رد و اكتب و رد و لفيف من افكار الجامعة و الثانوية لحد ما الفلور جم الفلور جم اتنين عمي قولت زي الفل انت اساسا يابني محدش معبرك و قاعد تهتف في مالطا او في ودن واحد سلفي و تقوله احنا كلنا في مصر واحد
قشطة ولاول مرة حد رد عليا و دخلنا في نفاش كبير ولاني لا اعرف قواعد الاشتباك في تويتير المبجل هوبا اول بلوك من عمنا وائل عباس - لية ياعم دا انا غلباااااااااااان -بس مش مهم دا كبير القاعدة و محدش يقدر يقول بم بم بالفرولة و احسس و اعتذر و احسس و اعتذر
بيس كدا دخلت في نقاش تاني ولاول مرة حد يقتنع بكلامي - صقفة للنبي و حياتك - هوبا عملت ليا فلو منكتش مصدق عنيا و زي المثل ما بيقول كنت متاكد كنت متاكد بس كنت شاكك وضعت رجلي علي اولي سلالم المجد التويترية و فكرت نفسي عمي الكبير وائل عباس و هيبقي ليا الالف الفلورريين و كلمتي هتصوصو صوصوة ترج جنابات التويتر رجا قبل الاستعمال
و بس دي قصتي (اية ياعم الراجل المهبوش دا ) ايوة ياعم انا مهبوش 500 تويتية ياهووووه وفي الاخر 13 فولور اية الرقم النحس دا لية دا انا لو جريت عريان في الشارع هيجري ورايا اكتر من 13 نفر (ملوظة من الكاتب هناك من اعتز كتيرا به بمتابعتي ) بس نقول اية المنحوس يلاقي عضم في العصافير
لذلك جاء قراري الصعب جداااااا ارجع لقواعدي سالما فيس بوكاوي يحترم تاريخة العريق و صاحب اول ضربة ارضية سفلية جنيية و اظل اراقب ذلك الكائن الازرق الصغير يطير امامي بعاصفة افكار مصرية خالصة و انا قاعد بغني ظلموه

عن ماذا اتحدث!!!!!!

في اولي تجاربي الكتابية داخلي احدي بلوجاتي الانترنتية - لدي العديد و العديد من دافع الفضول - ولكن هذا البلوج العريق المهاود هو الاول و اختياري للاسم هو من وحي خيال مسرحية بيتيجي كل عيد علي القناة الاولي اول ايام العيد من الثمانيات الي ...زمن لم اعد اشاهد فيه التلفاز الارضي - نظرا لسوء الارسال ( معنديش اريال )- و هي طبعا شارع محمد علي للقدير فريد شوقي و فنانة مصر الاولي شريهان لما حب يغنيلها و يقولها كوز المحبة اتخرم اديلة بولطة لحام
جملة اعتراضية خلابة تعتبر عن زمن عاشت فيه مصر من اوائل التسعينات الي الان تؤسر الانسان بسماعهامحاولا فهم اسباب وجود الخرم .
لذلك وجد ان يكون موضوع لاول ارهاصات فكري في مدونة كوز المحبة الي اتخرم هي اسباب حدوث ذلك الخرم و هو من خلال البيان الاتي :
تعيش مصر حالة عصيبة بعد ثورة بيضاء علي اهل مصر سوداء علي اهل مارينا و لسان الوزراء في الاسماعيلية و الحالة العصيبة لان مصر كان فيها خرم كبير قدرنا نسدة في 18 يوم لكن ما رايناه بعد تلك الايام اثبت ان كوز المحبة الذي يتبوطق فية شعب مصر لم يكن به خرم واحد و ان بلطة اللحام طلعت مضروبة و بسد اكبر خرم موجود في شرم الشيخ الان و عدة اخرام متواجدة يمين طريق الاتوستراد للمتجة الي حلوان و قدرنا نحن كمصريين موجودين دا بوطقة ذلك الكوز العظيم ان نجذب ايدينا و نسد الخرم الاكبر في جدار وحدة هذا الشعب الرائع القادر علي تحريك حجارة الجبال و بناء اكبر اهرامات العالم ذلك الشعب الذي رفع راية الاقدام بحفرة اطول قناة صناعية في العالم بدون حتي بلدوزر صغنن يلم التراب ذلك الخرم بين المصري و اخية المصري لا يراه احد غير ملموس نتجاهل وجوده علي الدوام بشعارات لا تودي ولا تجيب في حين انه لا يزال موجود لذلك ومن موقعي هذا خلف الكمبيوتر و قدام التليفزيون وو في الصاله - انا عمري مهخفي مكاني و اقول اني في شرم و انا في جمصة - اطالب اخي المصري و اخي المصري التاني انهم ينزلوا مع بعض يشتروا اكبر بلطة لحام يسدوا بيها الخرم بينهم.
ايها الاخوة و الاخوات ابنائ من شعب مصر و اخواتي من شعبي
اني اري رؤوس قد اينعت و حان وقت قطافها رؤوس خرمت كوز احتوي شعب رفع راية الصبر و العظمة طيله اكتر من 10000سنة -قدمت اول حكاية ال7000سنة دي بتاعت النظام السابق احنا دلوقتي بتوع ال 10000 و هنعمل عمرة في 17000 و هنغير زيت كمان - عشان كدا رفعنا الراية السودة قدام من افتكر ان الشعب دا خلاص نام تحت العربية و مش طالع تاني