عزيزي ابن الناس النضيفة..اسمحلي أجرح مشاعرك النضيفة و أقولك ان للأسف ٩٠% من شعب بلدك شكلهم كده..شكل البلطجية السرسجية..بيحطوا فازلين و بيتكلموا كده..زي عمرو واكد في ابراهيم الأبيض..آه والنعمة يابرنس..بينطقوا القاف كاف و الصاد سين..أشكال ضالة..ساكنين في امبابة وبولاق و شبرا وأبو اتاتة والسبتية و عزبة النخل..ده مؤقتا لحد... يلاقوا أماكن فاضية في الرحاب..بيجيبوا هدومهم من أسواق شعبية..توفيرا للمجهود مش ...للفلوس..راكبين موتوسكل حلاوة أو أتوبيس نقل جماعي عشان مبيحبوش يسوقوا في الزحمة..بياكلوا كشري وكبدة كنوع من التغيير..هتعمل ايه بقي ماهو بلدك متسابة ٥٠% خط الفقر و ٣٠% من غير تعليم و ٢٥% مش لاقي شغل و عايش في حزام العشوائيات..طبقة الحرامية و النصابين والمتحرشين و الحبسجية..بس السرسجية دول فيهم رجولة و نخوة أكتر منك..ومش بيحبوا الافترا والظلم مع انهم مظلومين..شافوا الداخلية بتضرب الناس ٢٥ يناير نزلوا ولعوا فيها ٢٨ يناير..شافوا الناس بتموت في محمد محمود و مجلس الوزرا فشخوا الداخلية و الجيش بالمولتوف و عملوا اسعاف شعبي بالموتسيكلات..لما البنات اتقلعت أنت قلت دي فوتوشوب و بياعين الكبدة و الشاي جابوا الانابيب و فجروها في عساكر الجيش..يوم ٢٨ يناير ميكروباصات عبد المنعم رياض كانت بتنقل الناس المصابة للمستشفيات..وأنت كنت علي الكنبة بتتفرج علي الجزيرة مباشر...معلش اوع تزعل يابن النضيفة...مسيرهم يستحموا ..مسيرهم ينضفوا
منقول عشان احنا كلنا مصريين
